Dheere Jalna

Dheere jalna
teri ek jhalak ke liye tadapna
dikh jao to dhandkano ka rukna
jeene ki abhilaasha na rakhna
dheere dheere jalna

apne aap main simat kar
tumhaari yaadein sanjona
khuli aankhon se sapne dekhna
ghadi ghadi apne aap ko dandit karna
dheere dheere jalna

door veerano main tumhein awaaz dena
us awaaz ki goonj ko sun kar
apni tanhai ka ehsaas karna
tumhari pukar ke liye jeena
dheere dheere jalna

tumhein sabse chupa kar
apni saanso main pirona
aur jab koi pooche
to tumhaare wujoood ko jhutlana
dheere dheere jalna

apni khwaishon ka gala ghot
is marusthal  main pyasa ghoomna
tumhaare chale jaane ka darr
aur tumse hi chupna
dheere dheere jalna

kyon jal raha hoon main
apni hi aag main
kyon jhulas raha hoon main
apni hi bandishon main
kyon nahin jee leta
jaise jeena chata hoon main
shayad yeh jalna
achha lagta hai mujhe
yahi mere jeevan ka
sabab hai shayad
dheere jalna.



--
Thought is your Enemy